Astanada qar uıtqyp, boran soǵyp tur
ASTANA. 20 qańtar. QazAqparat - Astanada 20 jáne 21 qańtarda aýa raıynyń buzylýyna baılanysty eskertý jarııalandy.
Bul týraly astana.kz saıtyna «Qazgıdromet» RMK habarlady. Meteorologtardyń habarlaýynsha, bul kúnderi elordada boran bolyp, ońtústik-batystan 17-22 m/s jyldamdyqpen jel soǵady.
Búgin, 20 qańtarda Astanada kún bultty, qar jaýyp tur, boran. Ońtústik-batystan 17-22 m/s jyldamdyqpen jel soǵýda. Túnde aýa temperatýrasy -7;-9°C, kúndiz -2;-4°C.
21 qańtarda kóshpeli bult shyǵady, azdap qar jaýady, boran bolady. Batystan 9-14 m/s jyldamdyqpen jel soǵady, túnde ekpini 15-18 m/s jetedi. Túnde jáne kúndiz aýa temperatýrasy -17-19°C.
«22 qańtarda kún ala bultty, jaýyn-shashynsyz bolady. Batystan 9-14 m/s jyldamdyqpen jel soǵady. Túnde aýa temperatýrasy -23;-25°C, kúndiz -20-22°C bolady», - dep boljaıdy sınoptıkter.
Aıta keteıik, búgin Astanada aýa raıynyń buzylýyna oraı birinshi aýysymdaǵy 1-4 synyp oqýshylaryna sabaq ótkizilmeıdi
