Astanada qar tazalaýǵa 2,5 myńǵa jýyq jol jumysshysy shyqty
ASTANA. KAZINFORM – Elordanyń kommýnaldyq qyzmetteri táýlik boıy aýysymdyq rejımde jumys isteıdi. 26 naýryz kúni tańerteń qala boıynsha qar tazalaý jumysyna 1,1 myńnan astam arnaıy tehnıka jumyldyryldy. dep habarlaıdy.
Astana ákimdigi saıtynyń habarlaýynsha, 26 naýryzǵa qaraǵan túni kommýnaldyq qyzmetter elordadan 613 reıs arqyly 8 myń tekshe metrden astam qar shyǵarǵan.
26 naýryz kúni tańerteń qar tazalaýǵa 2,4 myńnan astam jol jumysshysy men 1,1 myńnan astam arnaıy tehnıka jumyldyryldy.
Aıta keteıik, qalada qar men muzdy jınaý táýlik boıy aýysymdyq rejımde júrgizilip jatyr. Birinshi kezekte ortalyq kósheler, jolaýshylar kóligi marshrýttary, aıaldamalar men trotýarlar tazalanady.
Qys mezgiliniń basynan bastap qar polıgondaryna 498 myń reıs arqyly shamamen 6,7 mıllıon tekshe metr qar shyǵaryldy.
