Astanada qar kúreýge 2,3 myńnan asa jumysshy jumyldyryldy

ASTANA. KAZINFORM - Elordalyq kommýnaldyq qyzmet táýlik boıy kúsheıtilgen rejımde jumysyn jalǵastyrýda. Qar tazalaý jumystaryna 2 335 Jol jumysshysy jumyldyryldy, dep habarlaıdy Astana ákimdiginiń resmı saıty.

27 qańtar kúni tańerteń elorda kóshelerin qar men muzdan tazartýǵa 2 335 jol jumysshysy men 1 442 arnaıy tehnıka shyqty.

Ótken túnde qaladan 27 240 tekshe metr qar shyǵaryldy, bul 2 206 aýyr júk kólemine teń.
Qys mezgilinde elordadan úsh mıllıon tekshe metrge jýyq qar jınalyp, shyǵaryldy, ıaǵnı polıgondarǵa júk kóligimen 218 465 reıs jasaldy.

"Qazgıdromet" RMK sınoptıkteriniń málimetinshe, 27 qańtarda elordada kún bultty bolyp, keıde qar jaýyp, boran bolady dep kútiledi. Ońtústik-batystan soqqan jel ekpini 9-14, túnde 15-20 m / s. bolsa, aýa temperatýrasy túnde -15-17, kúndiz -13-15 gradýsqa deıin tómendeıdi.