Astanada qar tazalaý jumystary táýlik boıy júrgizilip jatyr
ASTANA. QazAqparat - Jeksenbige qaraǵan túni Astanadan 23 myń tekshe metrden astam qar shyǵaryldy, dep habarlaıdy elorda ákimdiginiń resmı saıty.
«Qarashanyń 24-nen 25-ne qaraǵanda Astanadan qala syrtyna 23058 tekshe metr qar shyǵaryldy. Sanıtarlyq tazartý jumystaryna tehnıkanyń 950 birligi jumyldyryldy», - dep málimdedi «Astana Tazalyq» JShS-de.
Qala syrtyna jetkizilgen qardyń biraz bóligi Esil aýdanynyń aýmaǵynan shyǵarylǵan - 9 600 tekshe metr. Almaty aýdany 8 837, Saryarqa aýdany 2 636, Baıqońyr aýdany 1985 tekshe metr qardan tazardy.
Qardan tazartý jumystary demalys kúnderi ekendigine qaramastan Astananyń barlyq aýdandarynda táýlik boıy júrgizilýde. Sanıtarlyq sharalarǵa mamandandyrylǵan tehnıkanyń barlyq birligi jumyldyrylǵan.
Sońǵy kúnderi Astanada aýa raıy qubylmaly bolyp tur. Elordada tolassyz qar jaýyp, ekpindi jel soǵýda.
