Astanada qar men muz kúreýge eki myńnan astam jumysshy shyqty
ASTANA. QazAqparat – Elordanyń kommýnaldyq qyzmetteri kúsheıtilgen rejımde úzdiksiz jumys istep jatyr, dep habarlaıdy QazAqparat Astana qalasy ákimdiginiń resmı saıtyna silteme jasap.
14 qańtar kúni tańerteń qala boıynsha qar kúreý jumysyna 2 myńnan astam jumysshy men 1,2 myńnan astam arnaıy tehnıka jumyldyryldy.
Ótken túnde qaladan 42 myń tekshe metrden astam qar shyǵaryldy, ol úshin polıgondarǵa 3 038 reıs jasaldy.
Qaladaǵy negizgi trotýarlar men kóshelerdiń bárine kóktaıǵaq boldyrmaý jáne turǵyndardyń jaıly júrýi úshin qum-tuz qospasy sebiledi.
Jalpy, qys bastalǵaly beri qaladan 1,9 mln tekshe metrden astam qar shyǵaryldy, bul – 152 748 aýyr júk kóliginiń kólemine teń.
