Astanada qar kúreýmen 2,3 myń jumysshy aınalysyp jatyr
ASTANA. QazAqparat – Astanada qardyń mol jaýýyna baılanysty kommýnaldyq qyzmetter táýlik boıy jumys istep jatyr, dep habarlaıdy QazAqparat.
Qala ákimdiginiń málimetine sáıkes, qarashanyń 13-inen 14-ine qaraǵan túni elordadan arnaıy polıgondarǵa shamamen 3,5 myń tekshe metr qar shyǵaryldy, bul 276 reısti quraıdy.
Qys mezgili bastalǵaly barlyǵy 2 815 aýyr júk kóligi qala kóshelerinen polıgondarǵa 36 myń tekshe metrden astam qar shyǵardy.
Al búgin Astanany qar men muzdan tazartýǵa 2 300 jol jumysshysy jáne 1 myńǵa jýyq arnaıy tehnıka jumyldyryldy.
