Astanada qar kúreýge eki myńnan astam jumysshy jumyldyryldy
ASTANA. QazAqparat - Qar mol jaýǵaly beri qalanyń kommýnaldyq qyzmetteri táýlik boıy kúsheıtilgen rejımde jumys isteıdi. Dúısenbi, ıaǵnı 14 qarashada qar kúreý jumysyna myńǵa jýyq arnaıy tehnıka men eki myńnan astam jumysshy jumyldyryldy, dep habarlaıdy QazAqparat Astana ákimdiginiń resmı saıtyna silteme jasap.
13 qarashadan 14-ine qaraǵan túni elordadan arnaıy polıgondarǵa shamamen 3,5 myń tekshe metr qar shyǵaryldy, bul 276 reısti qurady.
Qys mezgiliniń basynan beri barlyǵy 2 815 aýyr júk kóligi qala kóshelerinen qar polıgondaryna 36 myń tekshe metrden astam qar shyǵardy.
Búgin elordany qar men muzdan tazartýǵa 2 300 jol jumysshysy jáne 1 myńǵa jýyq arnaıy tehnıka shyqty.
