Astanada qar kúreýge 2,2 myńnan astam jol jumysshysy shyqty
ASTANA. KAZINFORM – Elordada qar tazalaý jumysyna kúndizgi ýaqytta 2,2 myńnan asa jol jumysshysy jumyldyryldy.
Astana ákimdigi resmı saıtynyń habarlaýynsha, 9 naýryz kúni qala boıynsha 2,2 myńnan asa jol jumysshysy men 1,1 myńnan asa arnaıy tehnıka jumyldyrylǵan.
Ótken túnde 1,2 myńnan asa reıs arqyly qaladan polıgondarǵa 17,4 myń tekshe metr qar jetkizildi. Qys mezgiliniń basynan bastap polıgondarǵa 445,3 myń reıspen 6 mln tekshe metrden astam qar shyǵarylǵan.
Astanada qar kúreý jumysy táýlik boıy aýysymdyq rejımde júrgiziledi. Birinshi kezekte ortalyq kóshelerde, jolaýshylar kóligi júretin joldarda, aıaldamalar men trotýarlarda tazalaý jumysy júrgizilip jatyr.
Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylǵan, jaryqtandyrý qosylǵan.
Aıta keteıik, «Qazgıdromet» RMK málimeti boıynsha, Astana qalasynda 9 naýryzda kúndiz jaýyn-shashyn, al túnde jáne tańerteń tuman bolady degen boljam jasaldy.
