Ystanbuldyń eń iri kitaphanasynda Qazaqstannyń ǵylymı-ádebı buryshy ashyldy
ASTANA. KAZINFORM – Túrkııa Respýblıkasynyń Ystanbul qalasyndaǵy Ramı kitaphanasynda «Qazaqstannyń ǵylymı jáne ádebı buryshynyń» saltanatty ashylý rásimi ótti.
Atalǵan bastama alǵash ret QR Ǵylym jáne joǵary bilim mınıstrligine qarasty «Ǵylym ordasy» RMK-nyń bastamasymen jáne QR Ystambul qalasyndaǵy Bas konsýldyǵynyń qoldaýymen júzege asyryldy.
Jobanyń maqsaty – Qazaqstan men Túrkııa arasyndaǵy mádenı-gýmanıtarlyq yntymaqtastyqty tereńdetý, qazaqtyń ádebı jáne ǵylymı murasyn halyqaralyq deńgeıde nasıhattaý, sondaı-aq Ramı kitaphanasynda qazaq ǵylymy men ádebıetine arnalǵan turaqty aqparattyq-tanymdyq keńistik qalyptastyrý.
Saltanatty is-sharaǵa Túrkııanyń Ádilet jáne damý partııasynyń Túrki memleketterimen baılanystar jónindegi basqarma tóraǵasynyń orynbasary, doktor Reshıde ıÝksel, QR Ystanbul qalasyndaǵy Bas konsýly Nýrıddın Amanqul, Ramı kitaphanasynyń dırektory Alı Chelık, qazaq ádebıetiniń túrik tiline aýdarmashysy Quddys Cholpan, «Ǵylym ordasy» RMK-nyń bas dırektory Ular Muqajanov, TURKTAV Túrki tarıhy men mádenıeti qorynyń atqarýshy dırektory Ásel Lahaeva, sondaı-aq TÚRKSOI ókilderi, Túrkııanyń mádenıet jáne bilim salasynyń zııaly qaýym ókilderi men Túrkııadaǵy qazaqstandyq stýdentter qatysty.
Іs-shara barysynda «Ǵylym ordasy» RMK-nyń bas dırektory Ular Muqajanov bastamanyń mańyzdylyǵyn atap ótip, onyń Qazaqstan men Túrkııa arasyndaǵy yntymaqtastyqty nyǵaıtýdaǵy róline erekshe toqtaldy.
– Ramı kitaphanasynda ashylǵan bul burysh Qazaqstan men Túrkııa arasyndaǵy ǵylymı jáne mádenı yntymaqtastyqty jańa deńgeıge kóterip, qazaqtyń zııatkerlik murasyn halyqaralyq deńgeıde keńinen tanytýǵa baǵyttalǵan mańyzdy qadam, – dedi Ular Muqajanov.
Eki el arasyndaǵy bastama aıasynda qazaqstandyq taraptan 250 dana kitap syıǵa tartyldy. Jańa buryshqa Ǵylym ordasynyń Ortalyq ǵylymı kitaphanasy, Sh.Sh.Ýálıhanov atyndaǵy Tarıh jáne etnologııa ınstıtýty jáne M.O.Áýezov atyndaǵy Ádebıet jáne óner ınstıtýty usynǵan qazaq ádebıeti, tarıhy, mádenıeti men ǵylymyna arnalǵan basylymdar qoıyldy.
Aıta ketý kerek, Ortalyq ǵylymı kitaphana búginde 6 mıllıonǵa jýyq kitap qoryna ıe elimizdegi eń iri ǵylymı kitaphanalardyń biri bolyp sanalady.
Jobanyń dál Ramı kitaphanasynda júzege asyrylýy da aıryqsha mánge ıe. XVIII ǵasyrda salynǵan tarıhı ǵımarat keshendi restavratsııadan keıin Túrkııanyń eń iri ári zamanaýı bilim ortalyqtarynyń birine aınaldy. «Tiri kitaphana» tujyrymdamasyn engizgen bul mekeme búginde ǵylym, mádenıet jáne óner salalaryndaǵy halyqaralyq jobalardy júzege asyratyn mańyzdy platforma retinde qyzmet atqaryp keledi.
Ramı kitaphanasynda «Qazaqstannyń ǵylymı jáne ádebı buryshynyń» ashylýy – qazaq ǵylymy men ádebıetin álemdik keńistikte tanytýǵa jáne Qazaqstan men Túrkııa arasyndaǵy rýhanı baılanysty nyǵaıtýǵa baǵyttalǵan mańyzdy mádenı bastama.
Aıta keteıik, Almatyda Táýelsizdik kúnine oraı jańa zamanaýı kitaphana ashyldy.