Astanada qar kúreý jumysy qalaı júrip jatyr

ASTANA. QazAqparat - Qys bastalǵaly elordadan 1,3 mln tekshe metrden astam qar shyǵaryldy. Bul - 106 myńnan astam júk kóligi, dep habarlaıdy QazAqparat Astana ákimdiginiń resmı saıtyna silteme jasap.

Qalanyń kommýnaldyq qyzmetteri táýlik boıy, ásirese keshki jáne túngi ýaqytta kúsheıtilgen rejımde jumys isteıdi, sol sııaqty qar kúreý baǵytyn túzetedi.

Elordada kún saıyn qar kúreýge 1 myńnan astam arnaıy tehnıka men eki myńnan astam jol jumysshy jumyldyryldy.

Eń aldymen, erejege sáıkes, joldarda keptelis bolmas úshin qozǵalysy qarqyndy oryndar tazartylady.

Sondaı-aq ortasha qarqyny bar ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. oryndardyń qary kúreledi.

4 qańtardan 5-ine qaraǵan túni qaladan polıgondarǵa 50 myń tekshe metrden astam qar nemese 3 808 júk kóligi shyǵaryldy.

Qys mezgiliniń basynan beri kommýnaldyq qyzmetter qaladan 106 myńnan astam júk kóligi toly qardy shyǵardy, bul 1,3 mln tekshe metrden astam qar.

Qalanyń kommýnaldyq qyzmetteri kúsheıtilgen rejımde jumysyn jalǵastyrýda, keshki jáne túngi ýaqyttarda kúsheıtiledi.

Foto: Astana qalasy ákimdiginiń baspasóz qyzmeti