Astanada qar kúreý jumysyna 3000-ǵa jýyq kommýnaldyq qyzmetker jumyldyryldy
ASTANA. KAZINFORM – Elordada qar kúreý jumysy úzdiksiz jalǵasyp jatyr. Kommýnaldyq qyzmetter táýlik boıy kúsheıtilgen rejımde jumys istep jatyr.
10 qarashaǵa qaraǵan túni kommýnaldyq qyzmetter 20 453 tekshe metr qardy arnaıy polıgondarǵa 1 635 reıspen jetkizdi.
Tańǵy ýaqyttan bastap 2 987 jol jumysshysy men 1 510 arnaıy tehnıka qala kóshelerin tazalaýǵa jumyldyryldy.
Qysqy maýsym bastalǵaly beri elordadan 130 myń tekshe metrden astam qar shyǵarylǵan, bul shamamen 10 543 reıske teń. Aldymen negizgi kóshe magıstraldary men qoǵamdyq kólik baǵyttary tazalanady. Keıin qar jınaý jumysy aýlalarda, alańdarda, trotýarlar men aıaldamalarda jalǵasady.
— Astana ákimdigi qala turǵyndary men qonaqtaryn jolda jáne trotýarda abaı bolýǵa, sondaı-aq aýa raıy qolaısyz kezde alys sapardan bas tartýǵa shaqyrady, — delingen ákimdik habarlamasynda.
Aıta ketelik Astanada túngi ýaqytta qar kúreý jumysyna 1 100-den astam arnaıy tehnıka jumyldyrylady.