Astanada qar kúreý jumysyna 2 800-den astam jol jumysshylary tartyldy
ASTANA. KAZINFORM — Elordada kommýnaldyq qyzmetter qar men kóktaıǵaqtan tazartý jumysyn táýlik boıy toqtaýsyz júrgizip jatyr.
Ótken túnde kommýnaldyq qyzmetter 1776 tekshe metr qardy 147 reıspen qala syrtyna shyǵardy. 16 qarashada kúndizgi aýysymda qar kúreý jumysyna 2839 jol jumysshysy men 811 arnaıy tehnıka jumyldyryldy.
Kommýnaldyq qyzmetter joldar men trotýarlardy kóktaıǵaqtan tazartýǵa erekshe kóńil bólinip jatyr, turǵyndardyń qaýipsiz júrýi úshin tehnıkalyq tuz sebilip jatyr.
Aıta keteıik, qys bastalǵaly beri 23 113 aýyr júk kóligi 257 myń tekshe metrden astam qardy arnaıy polıgondarǵa shyǵardy.
Eń aldymen negizgi kósheler men qoǵamdyq kólik joldary tazalanady. Odan keıin qozǵalys qarqyny ortasha aýmaqtar – aýla, alań, trotýar men aıaldamalar tazalanady.
Aıta ketelik 16 qarashada elimizdiń basym bóliginde tuman túsip, jel soǵady.