Astanada qar kúrep júrgen er adamdy kólik qaǵyp ketti

Jol apatanyń vıdeosy əleýmettik jelilerde tarady, dep habarlaıdy QazAqparat.

Vıdeony əleýmettik jelige júktegen azamat oqıǵa kýəgerlerin izdestirip jatyr. Sebebi, adamdy qaǵyp ketken kólik te, onyń artynan kele jatqan mashınalardyń biri de oǵan kómektesý úshin toqtamaǵan.

"Oqıǵa 27 qańtar kúni saǵat 18.45-te Jumabaev dańǵyly men Abylaıhan dańǵylynyń ortasynda, Maılın kóshesinde oryn aldy. Boljam boıynsha, Folksvagen Golf markaly kólik qar kúrep júrgen jigitti qaǵyp ketti de, toqtamastan, oqıǵa ornynan qashyp ketti. Onyń artynan erip kele jatqan kólikterdiń birde-biri əlgi júrgizýshini toqtatýǵa tyryspaǵan. Vıdeoda kóliktiń nómiri baıqalmaıdy. Jigit aman, azdap jaraqat aldy. Osy oqıǵany kórgen kýəgerler bolsa, habarlasyńyzdar",-dep jazǵan Feısbýk əleýmettik jelisinde "Bakentı Astana" esimdi paıdalanýshy.