Astanada kapsýlanyń kómegimen asqazan-ishek joldaryna dıagnostıka júrgizildi
NUR-SULTAN. QazAqparat – Nur-Sultan qalasyndaǵy №2 kópbeıindi balalar aýrýhanasynda alǵash ret kapsýlanyń kómegimen balanyń asqazan-ishek joldaryna dıagnostıkasy jasaldy. Bul týraly atalǵan aýrýhananyń hırýrgııa qyzmetiniń jetekshisi Rınat Baıgereev málim etti, dep habarlaıdy QazAqparat tilshisi.
«Kúni keshe ǵana respýblıka tarıhynda alǵash ret biz derbes kapsýla endoskopııasyn júrgizdik. Bul dıagnostıkalyq ádis. ıAǵnı adam kapsýlany jutady, sol arqyly biz asqazan-ishek joldaryna qatysty málimetterdi bile alamyz. Bizdiń aýrýhanaǵa asqazan-ishek jolynan qan ketetin patsıent keldi. Sonymen qatar atalǵan kapsýla gastroskopııa asqazan-ishek jolynyń joǵarǵy jáne kolonoskopııa tómengi bólimdi tekserýge múmkindik berip otyr. Odan bólek, asqazan-ishek joldary boıynsha qoljetimsiz jerlerdi tekserip, dıagnostıka júrgizýge bolady. Dıagnostıkanyń qorytyndysy boıynsha patsıentke ota jasaýǵa qatysty sheshim qabyldanady. Osylaısha kapsýlalyq endoskopııa ádisiniń kómegimen biz tolyq kórinisti aldyq. Nátıjesinde balaǵa ota jasaýdyń qajeti joq boldy,- dedi Rınat Baıgereev BAQ ókilderine arnalǵan baspasóz týry barysynda
Onyń aıtýynsha, atalǵan medıtsınalyq ádis álem boıynsha alǵash 2013 jyly qolǵa alyndy.
«Osy ýaqytqa deıin kapsýla dıagnostıkasy kóptegen elderde qoljetimsiz boldy, sebebi bul qymbat protsedýra. Endigi ýaqytta hırýrgtar kapsýlalyq endoskopııa ádisin qoldanýdy josparlap otyr», - deıdi ol.
Aıta ketsek, №2 kópbeıindi qalalyq aýrýhanada elorda boıynsha balalarǵa arnalǵan jalǵyz hırýrgııalyq statsıonar ornalasqan.
Tek bir jyldyń ishinde MÁMS júıesi aıasynda hırýrgııalyq bólimsheniń qabyldaý bólimine 26 myń bala júgindi.
Hırýrgııalyq statsıonarda onkologııa, kardıologııa jáne kardıohırýrgııadan basqa beıindi 10 hırýrgııalyq bólimshe bar.
Buǵan deıin Nur-Sultan qalasynda MÁMS aıasynda balalarǵa jasalatyn em, otanyń 95%-y tegin ekeni aıtyldy.
