Astanada qańtardyń 18-nen 19-na qaraǵan túni sýǵa shomylý ótedi
ASTANA. 14 qańtar. QazAqparat - Qańtardyń 18-nen 19-na qaraǵan túni «Kreşenıe gospodne» merekesine oraı sýǵa shomylý ótedi. Astanalyqtar qalanyń 2 jerinde belgilengen aýmaqta - oń jaǵalaýda ornalasqan Oqýshylar saraıynyń aýdanynda («Grand Astana» TK) jáne sol jaǵalaýda ornalasqan Ortalyq qalalyq saıabaqtyń janynda sýǵa súńgı alady.
Bul týraly astana.kz saıtyna Astana qalasynyń TJD baspasóz qyzmetinen habarlady.
Qaýipsizdik is-sharalaryn saqtaý maqsatynda belgilengen jerlerde TJD-niń arnaıy bólimsheleriniń mamandary qutqarýshy-súńgýirshiler, medıtsınalyq qyzmetkerler kezekshilik etedi.
Astana qalasy TJ departamenti qys mezgilinde shomylý kezinde sýda uzaq ýaqyt bolýǵa tyıym salynǵanyn, alkogoldik ishimdik iship sýǵa túsýge bolmaıtynyn eskertedi. Ózin qolaısyz sezingen adam sýyq sýǵa túspes buryn dárigerdiń tekserýinen ótýi tıis.
