Astanada qańtar aıynda 600-den astam páter paıdalanýǵa berilgen
ASTANA. QazAqparat - Bıyl Astanada 600-den astam páter paıdalanýǵa berildi. Bul týraly qalalyq Statıstıka departamentinen habarlady, dep jazady elorda ákimdiginiń resmı saıtynda.
«Barlyq qarjylandyrý kózderiniń esebinen jalpy aýdany 94 612 sharshy metrlik 633 páter paıdalanýǵa berildi. Bul 2013 jylǵy qańtar aıyndaǵy deńgeıden 0,7%-ǵa tómen. Jekelegen úı qurylysymen aınalysýshylar jalpy aýdany 6 516 sharshy metrdi quraıtyn turǵyn úı salǵan, bul 2013 jylǵy qańtar aıyndaǵy deńgeıimen salystyrǵanda - 114,2%. Jalpy iske qosylǵan turǵyn úılerdegi jeke turǵyn úıdiń úlesi 2013 jylǵy qańtardaǵy deńgeıi 6 paıyzben salystyrǵanda 6,9 paıyzdy qurady», - delingen habarlamada.
Aıta keteıik, elordada 2014 jyldyń alǵashqy aıynda turǵyn úılerdiń jalpy aýdanynyń 1 sharshy metriniń ortasha naqty quny 144,8 myń teńgeni qurady (2013 jylǵy qańtarda 96,2 myń teńge bolǵan). Al paıdaly aýdanynyń 1 sharshy metr qurylysynyń ortasha naqty quny 203 myń teńgege jetti (2013 jylǵy qańtarda - 129,1 myń teńge). Onyń ishinde jeke salýshylarmen salynǵan úılerde ol 99 myń teńgeni qurady.
Sondaı-aq, osy kezeńde turǵyn úı qurylysyna 4 912,7 mln. teńge jumsaldy, bul 2013 jylǵy qańtardaǵy deńgeıine qatysty 154,5% qurady. Negizgi kapıtalǵa salynǵan ınvestıtsııalardyń jalpy kóleminde turǵyn úı qurylysynda ıgerilgen qarajattar úlesi 51,4%-ǵa jetti.
