Astanada qansha sheteldik turyp jatqany anyqtaldy
ASTANA. QazAqparat - Astanada 1 200 000-nan astam turǵyn tirkeldi. Bul týraly qalalyq máslıhattyń sessııasynda elorda ákimi Áset Isekeshev málim etti, dep habarlaıdy QazAqparat.
«Búginde resmı túrde 1 mıllıon 10 myń adam tirkelgen, 205 myń adam ýaqytsha tirkeýde tur. Bizdiń esepteýler boıynsha, qalada turaqty negizde kem degende 1 mıllıon 100 myń nemese 1 mıllıon 150 myń adam turady dep aıtýǵa bolady. Osy oraıda mektepterge, aýrýhanalarǵa, qoǵamdyq kólikke jáne basqa da salalarǵa qosymsha júkteme túsedi», - dedi Isekeshev.
Onyń sózine qaraǵanda, elordada turaqty negizde 11 796 sheteldik ómir súrip jatyr, onyń ishinde alys shetelden - 7 239, TMD-dan - 4 557.
Ákimniń atap ótýinshe, ákimdikte London, Sıngapýr, Dýbaı, Ábý-Dabı sekildi qalalarda qoldanylatyn tásilge uqsas jospar ázirlenip jatyr. Osy jospar eki mıllıon turǵyndy esepke ala otyryp, halyqaralyq standarpen daıarlanýda. Onyń maqsaty - qoǵamdyq keńistikterdiń, qajetti jol kólikteriniń, mektepterdiń, aýrýhanalardyń, turǵyn úı keshenderiniń, saıabaqtardyń ınfraqurylymyn der kezinde keshendi damýyn qamtamasyz etý.
