Astanada qandaı turǵyn úı keshenderi boı kóteredi
NUR-SULTAN. QazAqparat - «Astana bas jospary» ǴZJI» JShS-da Nur-Sultan qalasynyń ákimi Baqyt Sultanovtyń tóraǵalyǵymen qala qurylysy keńesiniń kezekti otyrysy ótti, dep habarlaıdy QazAqparat.
Jınalysta qala turǵyndarynyń jaılylyǵy úshin ınjenerlik kommýnıkatsııalar, áleýmetttik ınforqurylym nysandary men kólik turaqtaryna basa nazar aýdaryldy.
Belgili bolǵanyndaı, aldaǵy ýaqytta Máńgilik El dańǵylynyń boıynda 206 páterlik turǵyn úı kesheni salynady (tapsyrys berýshi - «KazTaım» JShS), jalpy aýmaǵy - 24,5 myń sharshy metr.
Táýelsizdik dańǵyly men Sharl de Goll kósheleriniń qıylysynda 920 páterlik («Atlant Building KZ» JShS) turǵyn úı qurylysy júrgiziledi. Onyń jalpy aýmaǵy - 83 myń sharshy metrden asady.
A. Baıtursynuly, K.Ázirbaev jáne 23-16 kósheleriniń qıylysynda («Astana real estate 2017» JShS) 1 934 páterlik Turǵyn úı kesheni boı kótermek, onyń jalpy aýmaǵy - 237 myń sharshy metr.
J.Nájimedenov, K.Ázirbaev jáne 23-16 kósheleriniń qıylysy mańynda («Kazstroıınjınırıng NT» JShS) 2 100 páterli turǵyn úı turǵyzylady. Jalpy aýmaǵy - 106 myń sharshy metr.
A.Baıtursynuly, J.Nájimedenov, K.Ázirbaev jáne №23-8 kósheleriniń qıylysynda («Alleıa Tysıacheletııa» JShS) 6 939 páterlik turǵyn úı kesheni salynyp, onyń aýmaǵy 678 myń sharshy metr bolady.
Jobalar qala qurylysy keńesi músheleriniń bergen eskertýlerine sáıkes, jasalyp bitedi.
