Astanada qandaı mamandyqtarǵa suranys joǵary
ASTANA.QazAqparat - Jumys berýshiler Astanadaǵy suranysqa ıe mamandyqtar týraly aıtyp berdi, dep habarlaıdy Elorda.
Habarlamada «Aldyn ala boljamǵa sáıkes, elorda aldaǵy jyldary mynadaı mamandyqtardy qajet etedi: saýda, qarjy - 294 adam, qyzmet kórsetý - 645, densaýlyq saqtaý - 415, qurylys - 330, bilim salasy - 437, aqparat jáne baılanys - 224, qurylys jáne kommýnaldyq sharýashylyq - 435 adam»,-delingen.
Mektep bitirýshiler arasynan erekshe talap etilgen mamandyqtar da eskerilgen: aspazshy, avtokólik jóndetin slesar, baılanys montajdaýshysy - kabelshi, lıft elektromehanıgi, shashtaraz - sánger, daıashy.
Elordany damytý maqsatynda qalalyq kolledjderde jańa mamandyqtar ashý isi josparlanyp otyr: «Tehnıkalyq qyzmet kórsetý, avtokólik jóndeý jáne eksplýatatsııa mamandyǵy boıynsha mehatronık», «Kópirler jáne kóliktik tonnel», «Elektr stansalary men júıelerindegi elektr jabdyǵy», «Óndiristegi elektromehanıkalyq jabdyqtar», «Medıtsına tehnıkasyn jóndeý, montajdaý jáne tehnıkalyq qyzmet», «Kitaphana isi».
