Astanada qandaı mamandyqtar suranysqa ıe
ASTANA. QazAqparat - Astanada tórt myńnan astam bos jumys orny bar, dep habarlaıdy QazAqparat elorda ákimdiginiń resmı saıtyna silteme jasap.
Halyqty jumyspen qamtý ortalyǵynyń aqparatyna sáıkes, qazirgi tańda Astanada tárbıeshiler, naýbaıshylar, aspazdar, tiginshiler, shashtarazdar, elektr men gaz dánekerleýshiler, saýda menedjerleri, baqylaýshylar, kassırler men daıashylar suranysqa ıe.
«Qazir tórt myńnan astam bos jumys orny bar. Alaıda, atalǵan salalarda daıyn mamandardyń tapshylyǵy baıqalady. Jastar óz mamandyqtary boıynsha jumysqa ornalaspaıdy. Basty sebep - mamandyqty durys tańdamaý», - delingen ortalyq habarlamasynda.
Osy rette Halyqty jumyspen qamtý ortalyǵy qysqa merzimdi kýrstardy uıymdastyrýda. Mamandyǵyn ózgertkisi kelgen ár adam jas ereksheligine qaramastan, basqa mamandyqqa qaıta oqı alady. Oqý mamandyqqa baılanysty 1 aıdan 3 aıǵa deıin jalǵasady.
2018 jyly Astanada 700-ge jýyq adam qaıta oqytý kýrstarynan ótti. Olardyń 70% turaqty jumysqa ornalasty.
