Astanada qazaq-qytaı jobalary júzege asyrylyp jatyr

ASTANA. KAZINFORM - Astana ákimi Jeńis Qasymbek qytaılyq seriktestermen birneshe strategııalyq kelisimge qol qoıylǵanyn baıandady, dep habarlaıdy Úkimettiń baspasóz qyzmeti.

Olardyń qatarynda osy kúzde LRT-ny synaq rejıminde iske qosý, quny $150 mln bolatyn logıstıkalyq park qurylysy, Huawei kompanııasynyń 10G jelisin engizý jáne quny $1,3 mlrd-ty quraıtyn sý qubyrynyń qurylysy bar.

- LRT qurylys jobasy boıynsha paıdalanýǵa berý, kútip ustaý jónindegi memorandýmǵa qol qoıyldy. Biz nysandy osy kúzde, ıaǵnı, qyrkúıek aıynda synaq rejıminde iske qosýdy josparlap otyrmyz. Qazirgi tańda atalǵan sala boıynsha 150-ge jýyq Qazaqstan azamaty Qytaıda kásibı bilimin jetildirip, taǵylymdamadan ótip jatyr. Memorandým qytaılyq seriktestermen birlesip, jeńil relsti kólik júıesin paıdalanýdy kózdeıdi», - dedi ákim.

Sondaı-aq $60 mln-ǵa Soho Holding qonaqúı keshenin jáne Shenzhen Energy $230 mln-ǵa qoqys órteý zaýytyn salý boıynsha qujattarǵa qol qoıyldy.

Aıta keteıik, keshe Prezıdent Astanadaǵy «Myńjyldyq» alleıasyn abattandyrý jumystarymen tanysty.