Astanada «Qańbaq shal» atty birinshi qazaq balalar operasynyń premerasy ótedi

Uıymdastyrýshylardyń habarlaýynsha, Balalar fılarmonııasy bıylǵy jyly birinshi maýsymyn Astana qalasy ákimdiginiń memlekettik akademııalyq fılarmonııasynyń bazasynda, Kongress Holl saraıynyń sahnasynda ótetin balalarǵa arnalǵan «Qańbaq shal» operasymen bastaıdy.

Qańbaq shal - qazaq ertegileriniń keıipkeri. Onyń jeńil bolǵany sonshalyq, qoıynyna tas salmasa, jelmen ushyrylyp ketetin. Sondyqtan barlyǵy ony Qańbaq shal dep atap ketken. Biraq Qańbaq shal naǵyz kúsh bilekte emes, bilimde dep eseptedi. Ony dáýler men ótirikshi túlkini jeńip dáleldegen.

Keıbireýler Qańbaq shaldy analary oqyǵan ertegiler boıynsha este saqtasa, basqalary bul keıipker oınaǵan qýyrshaq spektaklderin tamashalaǵan, taǵy bireýleri rejısser A.Ábilqasymovtyń mýltfılmin kórdi. Al 1979 jyly kompozıtor Jolan Dástenov bul sıýjetke 1980 jyldary Almatydaǵy Abaı atyndaǵy opera jáne balet teatrynyń sahnasynda tabysty kórsetilgen birinshi qazaq balalar operasyn jazdy.

Jolan (Joldybaı) Dástenov (1943-1991) - qazaq mádenıetiniń tanymal qaıratkeri. Onyń shyǵarmalarynyń arasynda «Mamaev qorǵanynda» orkestr úshin poema (1969), vıolonchel úshin orkestrmen kontsert (1970), kameralyq orkestrge arnalǵan «Taýda» sıýıtasy (1972), «Abaıdy eske alý» aspaptyq trıosy (1972), balet sıýıtasy (1973) jáne t.b. bar.

Onyń mýzykasy - halyq shyǵarmashylyǵyn akademııalyq dástúrde fılosofııalyq uǵyný. Jolan 4 jasynan bastap dombyrada oınaǵan, qazaq folklory oǵan kishkentaı kezinen tanys boldy. Onyń mýzykasynda ózge de shyǵys mádenıetteri - uıǵyr, tájik, ózbek saryndary da bar.

Kompozıtorlyq jáne pedagogıkalyq jumystan basqa, Jolan Dástenov Almatydaǵy respýblıkalyq teledıdar stýdııasyndaǵy mýzykalyq baǵdarlamalar redaktory, Qazaq fılarmonııasynyń lektory bolyp, mýzyka týraly 400-den astam dáris oqyǵan.

Opera qazaq tilinde oryndalady, kórsetilimderge balalar fılarmonııasynyń kishkentaı ártisteri qatysady.