Astanada qanat qaqqan «Aqbalapan»
ASTANA. 19 jeltoqsan. QazAqparat - Erteń Astana qalasynda Ortalyq balalar jáne Jasóspirimder kitaphanasynyń uıymdastyrýymen Qazaqstan Jazýshylar odaǵynyń múshesi, Eýrazııa jazýshylar odaǵynyń múshesi, Jazýshy Jádı Shákenulynyń balalarǵa arnalǵan «Aqbalapan» atty jańa kitabynyń tusaýkeseri ótedi.
«Bir ýys sáýle», «Qaraly kósh», «Jalǵyzdyń úni» sekildi kitaptar jazǵan jazýshynyń budan buryn balalar taqyrybynda «Aqbota», «Balqaımaq» kitaptary jaryq kórip, bir bólim mysal áńgimeleri bastaýysh synyp oqýlyqtarynan da oryn alǵan edi.
Balalar men jasóspirimderge arnalǵan bul kitaptyń tili jeńil, oqıǵasy qarapaıym bolyp, tárbıelik máni asa zor. Mundaǵy óleń, jańyltpash, kúldirgi, mysal áńgimeler baldyrǵandarymyzdy - adal, ımandy, eńbeksúıgish, otanshyl urpaq etip tárbıeleýge jetelep, olardy adamdyqtyń aq jolyna bastaıdy.
Kitap Almaty qalasyndaǵy «Mereı» baspasynan jaryq kórip otyr.
Atalǵan kitaptyń tusaýkeser rásimine belgili aqyn, jazýshy, qalamger qaýym ókilderi, kitaphanashylar men baldyrǵan oqyrmandar qatysady. Avtor kitaby balalar kitaphanalaryna syıǵa taratylady. Jazýshy shyǵarmashylyǵy týraly oı, pikirler ortaǵa salynýmen birge bala oqyrmandar «Aqbalapan» kitabynan shuraıly shyǵaramalardy jatqa oqyp, kesh sońy án-kúıge ulasady.
Kitap tusaýkeseri Ortalyq balalar jáne Jasóspirimder kitaphanasynda 20 jeltoqsan kúni saǵat 11:30-da ótedi.
