Astanada «Qan men ter» romanynyń aǵylshyn tilindegi nusqasynyń tusaýy kesildi

ASTANA. 21 maýsym. QazAqparat - Búgin Astanadaǵy Ulttyq akademııalyq kitaphanada KSRO jáne QR Memlekettik syılyǵynyń laýreaty, jazýshy Ábdijámıl Nurpeıisovtiń

«Qan men ter» («Blood and Sweat») jáne «Sońǵy paryz» («Final respects») romandarynyń aǵylshyn tilindegi nusqalarynyń tusaýkeseri boldy.

Keńes Odaǵy kezinde «Qan men ter» trılogııasy álemniń 34 tiline aýdarylǵanymen, aǵylshyn tildi oqyrmanǵa endi ǵana jol tartyp otyr. Mamyrdyń sońynda Vashıngton men Nıý-Iorkta tusaýkeseri ótken qos roman «Altyn qyran» qaıyrymdylyq qorynyń demeýshiligimen nıý-ıorktyq «Lıbertı» baspasynda shyǵaryldy.

Sharaǵa kitaptardyń avtory Ábdijámıl Nurpeıisovtiń ózi jáne MMÝ professory, jazýshynyń dosy Nıkolaı Anastasev, AQSh elshisiniń attashesi, basqa da elshilik ókilderi men qazaq ádebıetiniń maıtalmandary qatysty.