Astanada qamqorshysyz qalǵan balalardyń sany azaıdy
ASTANA. QazAqparat - Qazirgi ýaqytta Astanada balalarǵa qamqorshylyq, qorǵaýshylyq jáne qoldaý bóliminde ata-ana qamqorlyǵynan aıyrylǵan 976 jetim bala tirkeýde tur, onyń 578-i - qamqorshylyqqa jáne qorǵaýshylyqqa, 73 bala patronattyq tárbıege alynǵan, 325 bala jetimder úıinde jáne ata-ana qamqorlyǵynan aıyrylǵan balalarǵa arnalǵan mekemelerde tárbıelenýde. Bul týraly elorda ákimdiginiń baspasóz qyzmeti habarlaıdy.
Qabyldanǵan sharalardyń jáne memlekettik tólemder engizýdiń nátıjesinde qalada jetim balalardyń sany azaıǵany baıqalady.
Sońǵy jyldary atalǵan sanattaǵy balalardyń jalpy sany 83-ke azaıǵan. Al 2013 jyly - 1059, 2017 jyly 976 bala bolǵan. Sonyń ishinle jetimder úıleri tárbıelenýshileriniń sany 97-ge azaıdy (2013 jyly - 422 bala, 2017 jyldyń 3 aıynda - 325 bala), jetim balalarǵa jáne ata-ana qamqorlyǵynan aıyrylǵan balalarǵa arnalǵan mekemelerdiń sany bireýge azaıdy (2013 jyly - 3, 2017 jyly - 2).
QR BǴM men Astana ákimdiginiń arasyndaǵy 2015-2017 jyldarǵa arnalǵan elordanyń bilim júıesin damytý týraly memorandýmdy iske asyrý barysynda jetim balalarǵa jáne ata-ana qamqorlyǵynan aıyrylǵan balalarǵa arnalǵan uıymdardyń tárbıelenýshilerin tapsyrý boıynsha 2016 jyly osy mekemelerden 108 bala otbasylarǵa berilgen. Sonyń ishinde, 43 balany asyrap alsa, 30 bala qamqorshylyqqa, qorǵaýshylyqqa alynǵan, 6 bala patronatqa berildi, 29 bala bıologııalyq otbasylaryna oraldy.
Otbasylyq qundylyqtardy nasıhattaý maqsatynda jyl saıyn «Rızashylyq - Dobrota vo blago detıam!», «Qýan, sábı», «Qamqorshy kúni» respýblıkalyq qaıyrymdylyq sharalary ótkiziledi.
