Astanada qamys arasyna kirgen er adamǵa qutqarýshylardyń kómegi qajet boldy
ASTANA.KAZINFORM - Elordalyq qutqarýshylar qamys arasynda qalyp qoıǵan er adamǵa kómek kórsetti, dep habarlaıdy QR Tótenshe jaǵdaılar mınıstrliginiń baspasóz qyzmeti.
Saryarqa aýdanyndaǵy «Jasyl toǵaı» aýmaǵynda, sarqyrama mańynda 1982 jyly týǵan er adam qamys arasyna kirip ketip, ózdiginen shyǵa almaı qalǵan.
-Oqıǵa ornyna TJM Jedel-qutqarý jasaǵynyń qutqarýshylary jedel shyqty. Ózennen ótip, qutqarýshylar er adamǵa jetip, ony qamys arasynan alyp shyǵyp, birge ózenniń arǵy betine jetkizdi,-delingen habarlamada.
Qutqarylǵan er adam medıtsınalyq kómekke muqtaj bolǵan joq.
Osy rette TJM tabıǵat aıasynda demalý kezinde qaýipsizdik sharalaryn saqtap, júrýge qıyn jerlerden aýlaq boldy jáne tótenshe jaǵdaı týyndaǵan jaǵdaıda dereý «112» nómirine habarlasý qajettigin eskertti.
Aıta keteıik, osyǵan deıin TJM shomylý maýsymynda sýdaǵy qaýipsizdik erejelerin saqtaýǵa shaqyrǵan bolatyn.
