Astanada kámelettik jasqa jetpegen jasóspirim aýyr qylmys jasaǵany úshin sottaldy
ASTANA. QazAqparat - Astana qalasynyń qylmystyq ister boıynsha mamandandyrylǵan aýdanaralyq soty asa aýyr qylmys jasaǵan kámelettik jasqa jetpegen A. esimdi jasóspirimge qatysty qylmystyq isti qarady.
«K. esimdi azamatpen spırttik ishimdikterdi ishý kezinde aralarynda urys bastalyp, sonyń barysynda ustalǵan jasóspirim jábirlenýshiniń basyna qysqashpen birneshe soqqy jasaǵan. Jábirlenýshi alǵan dene jaraqattarynan kóz jumǵan», - delingen Astana qalalyq soty baspasóz qyzmetiniń habarlamasynda.
Sottalýshynyń jasy, óz kinásin moıyndap, istegen qylmysyna ókinish bildirgeni eskerilip, oǵan jalpy rejımdegi tárbıe berý kolonııasynda alty jylǵa bas bostandyǵynan aıyrý jazasy berildi.
Sot úkimi zańdy kúshine engen joq.
