Astanada kámeletke tolmaǵandarǵa tıisken aqyl-esi kem jigit ustaldy
ASTANA. QazAqparat - Astanada kámelettik jasqa tolmaǵandarǵa tıisken 20 jastaǵy aqyl-esi kem adam ustaldy, dep habarlady elordalyq ІІD baspasóz qyzmetinen.
«13 qańtarda elordalyq ІІD «Almaty» aýdandyq ІІB qyzmetkerleri 2014 jyldyń 6 jeltoqsanynda shamamen tańǵy saǵat 8:00-de Baýyrjan Momyshuly jáne Táýelsizdik dańǵyldarynyń qıylysynda jol-jónekeı ótip bara jatqan kámelettik jasqa tolmaǵandarǵa tıisti degen kúdikpen bir azamatty qolǵa túsirdi», - delingen habarlamada.
Alaıda ata-analar polıtsııaǵa ýaqytyly shaǵymdanbaǵandyqtan, sol kúni ol ustalmady. Atalǵan fakti boıynsha qylmystyq is qozǵaldy.
«Almaty» aýdandyq ІІB qyzmetkerleri tergeý amaldary kezinde ustalǵan 20 jastaǵy azamattyń Qostanaı oblysynyń týmasy ekenin anyqtaǵan. Sezikti M. psıhonevrologııalyq dıspanserde esepke alynǵan, ІІ toptaǵy múgedek. Qamqorshysymen Astanada turady eken.
Ustalǵan azamatty japa shekkender tanydy.
Qazirgi ýaqytta kúdikti qamqorshysyna jetkizildi. Polıtsııa qyzmetkerleri sot psıhologııalyq-psıhıatrııalyq saraptama taǵaıyndady. Tergeý amaldary júrgizilýde.
