Astanada kámeletke tolmaǵan qyzdyń zorlanýy boıynsha qylmystyq is qaralýda
ASTANA. 15 maýsym. QazAqparat - Astana qalasynyń qylmystyq is boıynsha arnaıy aımaqaralyq sotynda kámeletke tolmaǵan qyzdyń zorlanǵandyǵy týraly qylmystyq is qaralýda. Bul týraly Astana qalasy prokýratýrasynyń baspasóz qyzmetinen habarlandy.
QR kez kelgen azamaty Qazaqstan Respýblıkasynyń, Konstıtýtsııasyn jáne zańdaryn saqtaýǵa, basqa adamdardyń, quqyqtaryn, abyroıy men ar-namysyn qurmetteýge mindetti ekeni Konstıtýtsııanyń 34 babymen bekitilgen.
«Alaıda, sottalýshy Bersinov (tegi ózgertilgen) osy mindetterge bas ımeı, kámelettik jasqa tolmaǵan jas qyzdy jábirlep, abyroıdan aıyrdy. 2013 jyldyń aqpanynda Bersinov Astana qalasynda kúzetshi bolyp jumys istep júrip, azyq-túlik dúkeninde satýshy bolyp jumys isteıtin S. Qulanbaımen (tegi ózgertilgen) tanysyp, onyń kámelettik jasqa tolmaǵanyn biledi.
2013 jyly 5 naýryzda Bersinov kámeletke tolmaǵan Qulanbaımen onyń erkinen tys jynystyq qatynasqa túsý nıetin júzege asyrý maqsatymen, túski ýaqytta ol satýshy bolyp isteıtin azyq-túlik dúkenine keledi. Osy jerde Bersinov óziniń jynystyq qushtarlyǵyn qanaǵattandyrý maqsatynda jábirlenýshiniń kórineý kámelet jasqa tolmaǵanyn bile tura, onyń eki qolyn artyna qaıyryp, qarsylyq kórsetýge múmkinshilik bermeı, jynystyq qatynasqa túsip, zorlaǵan», delingen prokýratýra habarlamasynda.
Bersinovke zorlaý, ıaǵnı jábirlenýshiniń dármensiz kúıin paıdalanyp, jynystyq qatynas jasaǵany týraly aıyp taǵylǵan. Qylmystyq is Astana qalasynyń qylmystyq is boıynsha arnaıy aımaqaralyq sotynda qaralýda.
