Astanada kámeletke tolmaǵan kólik urlaýshy izi sýymaı qolǵa tústi
ASTANA. Tamyzdyń 19-y. QazAqparat /Murat Jákeev/ - Elordada kámeletke tolmaǵan kólik urlaýshy izi sýymaı qolǵa tústi. Ol esh jerde jumys istemeıtin Jambyl oblysynyń turǵyny bolyp shyqty, dep habarlady astanalyq Jol polıtsııasy basqarmasynyń baspasóz qyzmetinen.
Shetel avtokóliginiń qoldy bolǵany týraly aqparat Astana qalalyq ІІD JPb kezekshi bólimine búgin tańerteń ertemen kelip tústi. Osy habar boıynsha dereý iz kesken polıtsııa qyzmetkerleri araǵa bir saǵat salyp, kólik urlaýshyny qolǵa túsirdi. Ol Taraz qalasynyń esh jerde jumys istemeıtin 17 jasar turǵyny bolyp shyqty.
Ustalǵan azamattyń aıtýynsha, ol Astanaǵa nápaqa tabý úshin kelgen eken, degenmen odan eshteme shyqpaǵan. Sodan ol kóshede kele jatyp, ishinde kilti qalyp qoıǵan avtokólikti baıqap, róline otyra sala, týǵan Tarazǵa qaraı bet alǵan. Biraq ol «Qyzyljar» beketinen ári asa almady. Bul jerdiń polıtsııa qyzmetkerleri qyraǵylyq tanytyp, jas qylmyskerdi der kezinde quryqtady.
Aıta ketý kerek, tergeý barysynda aıtylǵan ustalǵan azamattyń sózi rastaldy, shynynda da kólik ıesi asyǵyp júrip, kólik ishinde kiltti umyt qaldyrǵan eken.
«Kólik urlyǵy boıynsha QR QK 185 baby boıynsha qylmystyq is qozǵaý týraly másele qarastyrylýda», - dep habarlady elordalyq JPB baspasóz qyzmetinen.
