Astanada KamAZ júrgizýshisi 6 kólikti soǵyp, qashyp ketken
ASTANA. QazAqparat – Elordada jol apatyn jasap, izin sýytqan KamAZ júrgizýshisine izdeý jarııalandy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.
«7 sáýirde tańerteńgi saǵat 08.20 shamasynda «KamAZ«markaly kóliktiń júrgizýshisi K.Tsıolkovskıı kóshesimen Abaı dańǵylyna qaraı júrip kele jatyp, turaqta turǵan 6 avtomobıldi soqqan. Birneshe metr júrgennen keıin ol kóliginen shyǵyp, oqıǵa ornynan qashyp ketken», - delingen habarlamada.
Polıtsııa dereginshe, apat saldarynan qaza bolǵandar men zardap shekkender joq.
«Qazir júrgizýshiniń ornalasqan jerin anyqtaý boıynsha izdestirý sharalary júrip jatyr. Onyń qorytyndysymen qoldanystaǵy zańnamaǵa sáıkes sheshim qabyldanady», - deıdi vedomstvodan.
