Astanada «KamAZ» júk kóligi zeınetkerdi basyp ketti
ASTANA. 24 maýsym. QazAqparat - Elordada «KamAZ» júk kóliginiń júrgizýshisi 1945 jyly dúnıege kelgen azamatty basyp ketti. Ol alǵan jaraqatynan oqıǵa ornynda qaza tapty, dep habarlady qalalyq jol polıtsııasy basqarmasynyń baspasóz qyzmetinen.
«Keshe keshki saǵat 21 shamasynda «KamAZ» júk kóligi Jeńis dańǵyly boıymen Máskeý kóshesine qaraı kele jatyp, Bógenbaı kóshesimen qıylysta jaıaý júrginshilerge arnalmaǵan jermen ótip bara jatqan 1945 jyly dúnıege kelgen azamatty basyp ketti. Alǵan jaraqattan er adam qaza tapty», - delingen habarlamada
Vedomstvonyń atap ótýinshe, demalys kúnderi 4 jol apaty oryn alyp, 5 adam qaza tapqan jáne 2 adam jaraqat alǵan.
