Astanada KamAZ-dyń kesirinen úsh kólik apatqa ushyrady
ASTANA. QazAqparat - Astanada KamAZ júk kóligi jappaı jol apatyn týdyrdy, dep habarlaıdy «QazAqparat» HAA tilshisi elordalyq ІІD-ge silteme jasap.
«Aldyn ala derek boıynsha, KamAZ markaly avtokóliktiń júrgizýshisi Sarykól kóshesimen kele jatyp, Qoshqarbaev kóshesiniń qıylysynda baǵdarshamnyń qyzyl túsine júrip ketken. Saldarynan birneshe avtokóliktiń soqtyǵysýyna sebepker bolǵan», - dep habarlady ІІD baspasóz qyzmetinen.
Astana qalalyq ІІD baspasóz hatshysy Sofıa Qylyshbekovanyń aıtýynsha, jol apatyna KamAZ-dan bólek, Mercedes-Benz , Toyota jáne «Gazel» kólikteri ushyraǵan. Zardap shekkender joq. Qazirgi tańda polıtseıler oqıǵanyń mán-jaıyn anyqtap jatyr.
Foto: armenia-news.ru
