Astanada KamAZ-ben soqtyǵysqan jeńil kóliktiń jolaýshysy kóz jumdy
ASTANA. QazAqparat - Astanada jeńil kólik pen júk kóliginiń soqtyǵysýy saldarynan 40 jastaǵy jolaýshy kóz jumdy, dep habarlaıdy QazAqparat.
«4 tamyz kúni Baıyrqum kóshesinde oryn alǵan jol-kólik oqıǵasy faktisi boıynsha sotqa deıingi tergeý amaldary bastaldy. Sonymen qatar qajetti saraptamalar taǵaıyndaldy. Jol-kólik oqıǵasy saldarynan «Mersedes» markaly kóliginiń 40 jastaǵy jolaýshysy oqıǵa ornynda kóz jumdy. Atalǵan avtokóliktiń júrgizýshisi aýrýhanaǵa jetkizildi», - delingen Astana qalasy ІІM baspasóz qyzmetiniń málimetinde.
Aldyn ala málimetterge qaraǵanda, «Mersedes» kóliginiń júrgizýshisi Pýshkın kóshesi jaǵynan Baıyrqum kóshesi boıymen kele jatyp, burylý kezinde KamAZ júk kóligimen soqtyǵysty. Osynyń saldarynan kólikter qarsy jolaqqa shyǵyp ketip, taǵy bir avtomashınamen qaqtyǵysqan.
