Astanada qalyń qardan taǵy bir nysannyń shatyry opyrylyp qulady

Bul týraly astana.kz saıtyna Astana qalasynyń Jumyldyrý daıyndyǵy, azamattyq qorǵanys, apattar men tabıǵı apattardy eskertý men joıý jónindegi basqarmasy málim etti.

«7 naýryzda 13 saǵat 35 mınýtta Orlykól kóshesi 10, mekenjaıy boıynsha stanoktar men metall jabdyqtary ornalasqan orynjaıda qardyń ýaqytynda tazalanbaýynan 1440 sharshy metr aýmaqta tóbe jabyndysy opyrylyp, ortasyna tústi», - delingen habarlamada.

Astana qalasynyń Jumyldyrý daıyndyǵy, azamattyq qorǵanys, apattar men tabıǵı apattardy eskertý men joıý jónindegi basqarmasynyń bastyǵy Tımýr Ábjanovtyń aıtýynsha, atalǵan orynjaıdan adamdar der kezinde shyǵaryldy. Zardap shekkender men qurban bolǵandar joq. Orynjaıdyń ıesi - «Astana Konstrýktıv» JShS.

Eske salaıyq, bul shatyr ústindegi qardyń ýaqytyly tazalanbaýynan bolyp otyrǵan bir aptadaǵy ekinshi oqıǵa.