Astanada qalta urylarynyń toby ustaldy
ASTANA. QazAqparat - Astana qalasy ІІD Krımınaldyq polıtsııa basqarmasynyń qyzmetkerleri jedel aldyn alý sharalaryn júrgizý kezinde qoǵamdyq kólikterde urlyqpen aınalysqan qalta urylarynyń tobyn quryqtady, dep habarlaıdy ІІD baspasóz qyzmeti.
Avtobýs salonynda kúdiktilerdiń biri 63 jastaǵy áıel adamnyń sómkesinen ishinde aqshasy bar ámııanyn alyp shyǵyp, qasynda turǵan sybaılasyna bergen. Qaskúnemderdi polıtseıler qylmys ústinde ustady. Dálel zattar tárkilenip, zardap shegýshige qaıtaryldy.
Atalmysh fakt QR QK «urlyq» baby boıynsha sotqa deıingi tergeýlerdiń biryńǵaı tirkeýine alyndy. Ustalǵan kúdiktiler Astana qalasy Ýaqytsha oqshaýlaý ortalyǵyna qamaldy.
Kúdiktilerdiń osyǵan uqsas basqa da qylmystarǵa qatysynyń bar-joǵy anyqtalýda.
Qala turǵyndary men qonaqtaryn jeke múlikti saqtaýda muqııat bolýdy suraımyz.
