Astanada qaldyqtardy jaǵatyn zaýyt salynýy múmkin
ASTANA. KAZINFORM — Búgin elordada Qazaqstan-Qytaı iskerlik keńesi barysynda ekonomıkalyq sıpattaǵy 40-tan astam qujatqa qoıyldy.
Onyń arasynda elektr energııasyn óndirý úshin qaldyqtardy jaǵatyn zaýyt salý týraly tórtjaqty kelisim bar.
Shenzhen energy environment vıtse-prezıdenti Lı Djoýgeniń aıtýynsha, qazir qurylys boıynsha kelissózder bastaldy. Bul rette, kompanııa qajet ınvestıtsııa kólemin eseptep jatyr. Osydan keıin ǵana jobany júzege asyrý merzimi týraly aıtýǵa bolady.
«Onyń jobalyq qýattylyǵy elektr energııasyn óndirý úshin kúnine 1,5 myń tonna turmystyq qaldyqty jaǵýǵa múmkindik beredi», - dedi ol Qazaqstan-Qytaı iskerlik keńesi kezinde tilshiler suraǵyna jaýap bere otyryp.
Ol Shenzhen energy environment qorjynynda dúnıejúzi boıynsha birneshe osyndaı joba bar ekenin jáne kompanııa barlyq jerde eń joǵary ekologııalyq standarttarǵa nazar aýdaryp otyrǵanyn aıtty.
