Astanada qalaı volonter atanýǵa bolady
Eordada 50 jastan asqan belsendi turǵyndardan quralǵan eriktiler qozǵalysy bar. Bul týraly Astana qalasynyń Jastar saıasaty máseleleri basqarmasy basshysynyń mindetin atqarýshy Baǵdat Atymtaı aıtty, dep habarlaıdy Kazinform.
«Astana qalasy halqynyń sany 1,3 mln adamnan asty, onyń ishinde 14-35 jas aralyǵyndaǵy jastar sany 440 myń adamdy qurady. „Astana jastary“ resýrstyq ortalyǵynyń bazasynda Qalalyq volonterler shtaby jumys istep jatyr. Onda 40 belsendi volonterlik jáne qaıyrymdylyq uıymdarymen seriktestik ornatylǵan. Shtabta 5000 astam belsendi volonter tirkelgen», - dedi B. Atymtaı Astana qalasynyń kommýnıkatsııalar qyzmetinde Halyqaralyq volonter kúni qarsańynda ótken brıfıngide.
Onyń aıtýynsha, volonterlik uıymdarmen birge «BizBirgemiz», «Qaýipsiz qala», «Qamqorlyq meken-jaıy», «Ardagerlerdi ardaqtaıyq», «Taza Alem» jáne basqa da jobalar aıasynda 780 aktsııa iske asyryldy. «Qamqorlyq meken-jaıy» jobasy aıasynda «Astana jastary» volonterleri 30 jalǵyzbasty zeınetkerdiń úıine baryp, kómektesken. Sonymen qatar, kásiporyndar men volonterlik uıymdar qar tazalaý boıynsha 50 aktsııa ótkizdi. Barlyǵy 2000 adam qamtyldy. Joba aıasynda qosymsha azyq-túlik sebetteri únemi jetkizilip turady. Atap aıtqanda, «Taza álem» jobasy aıasynda 40 ekologııalyq senbilik uıymdastyryldy.
«Sonymen qatar, volonterler qalalyq jáne halyqaralyq is-sharalarǵa belsendi qatysyp keledi. Eriktiler halyqaralyq jáne respýblıkalyq deńgeıdegi 140 is-sharaǵa qatysty. Qalada 50 volonterlik uıym men qozǵalys turaqty negizde jumys istep jatyr, onyń 17-si múmkindigi shekteýli balalar men jastardy tárbıelep otyrǵan otbasylarǵa kómektesip keledi. Olar ata-analarǵa trenıngter ótkizip, qajet kıim-keshek pen turmystyq zattardy taratady, balalar men ata-analardy is-sharalarǵa shaqyrady. Jyl saıyn qorlar „Mektepke jol“ aktsııasyn ótkizip, múmkindigi shekteýli balalarǵa arnalǵan is-sharalar uıymdastyrady», - dedi basqarma ókili.
Onyń sózine qaraǵanda, elordada 50 jastan asqan belsendi azamattar qozǵalysy bar. Olardyń qatarynda 60-tan astam erikti qyzmetip júr.
«Volenter retinde tirkelý úshin bizdiń keńsege kelip (Saryarqa 13, 518-kabınet), qosymsha aqparat alýǵa bolady. Sonymen qatar, astana_zhastary_volunters Instagram paraqshasyna jazylyp, baqylaý múmkindigi bar», - dedi Baǵdat Atymtaı.
