Astanada qalanyń úzdik qurylymdary marapattaldy
ASTANA. QazAqparat - Astana kúnin merekeleý qarsańynda Astana ákimdigi dástúr boıynsha azamattardyń áleýetin arttyrýǵa úlken úles qosqan qalalyq qurylymdardy anyqtaıdy.
Bıyl «Elordanyń úzdik aýdany» ataǵyn ekinshi jyl qatarynan 2008 jyly Elbasynyń jarlyǵymen qurylǵan «Esil» aýdany jeńip aldy. Ol sol jaǵalaý aýmaǵyn qamtıdy.
«Úzdik memlekettik organ» nomınatsııasynda nagradany qalalyq Bilim basqarmasy aldy. Bıyl vedomstvo úlken nátıjelerge qol jetkizdi: Astana alǵash ret Ulttyq biryńǵaı testileý nátıjeleri boıynsha kóshbasshy atandy.
Onyń ústine, 8-shi jyl qatarynan elordalyq oqýshylar komandasy qazaqstannyń úzdik olımpıadalyq komandasy ataǵyn ıelenip keledi. Aýmaqtyq organdar arasynda bıyl Іshki ister departamenti erekshe kózge tústi, - dep jazady elorda ákimdiginiń baspasóz qyzmeti.
«Elordanyń úzdik kásiporyny» ataǵyna «Elorda Damý» JShS ıe boldy. Kompanııa elordadaǵy apatty jaǵdaıdaǵy úılerdi buzý jobasy aıasynda kóppáterli úıler qurylysyn júzege asyrady.
