Astanada qalany jappaı qoǵamdyq ǵalamtormen qamtamasyz etý jolǵa qoıylmaq
ASTANA. QazAqparat - Búgin Astana qalasy ákimdiginiń apparat otyrysynda qala basshysy Ádilbek Jaqsybekov qalalyq qyzmetter men halyqtyń ózara yqpaldastyǵyndaǵy ózekti máselelerdi kóterdi, dep habarlaıdy elorda ákimdiginiń baspasóz qyzmetinen.
Álemniń «aqyldy qalalarynyń» birine aınalýdy maqsat etken Astanada qala turǵyndary men qonaqtaryna jaıly ómir súrý jaǵdaılary laıyqty túrde jasalýy tıis. «Smart Astana» tujyrymdamasy aıasynda jalpy bilim berý mekemeleriniń, emhanalardyń, kommýnaldyq qyzmetter úshin tólem jasaý pýnktteriniń jáne t.b. jumysyn jeńildetý jáne yqshamdaý úshin jobalar belsendi túrde engizilýde. Sapa tek tirshilikti qamtamasyz etýdiń mańyzdy máselelerinde ǵana emes, navıgatsııa, úılestirý jáne qala turǵyndarymen keri baılanys ornatý salasynda da arttyrylýy kerek.
Turǵyndar men kommýnaldyq qyzmetterdiń arasyn jaqyndatý maqsatynda qurylǵan «109» baılanys ortalyǵy iske qosylyp, kún saıyn júzdegen qońyraý men ótinim qabyldaǵanymen, tolyq rejimge kóshken joq. Ákim atalǵan qyzmettiń, ondaǵy operatorlardyń jumysyndaǵy kemshilikterdi joıyp, qala turǵyndaryna arnalǵan kómekshi quraldy 2016 jyldyń 1 qańtaryna deıin usynýdy tapsyrdy. Sonymen qatar Á.Jaqsybekov qalalyq navıgatsııalyq júıeni ornatýda memlekettik-jeke menshik áriptestikti tartý qajettiligin, onyń ústine jobany óz qarjysy esebinen júzege asyrýǵa daıyn ınvestorlardyń ákimdikke júgingenin atap ótti. Otyrys barysynda qoǵamdyq jerlerde halyqqa tegin ınternetti paıdalaný múmkindigin beretin «Open Wi-Fi» jobasy da sóz boldy. Internettiń sapasyna shaǵymdar aıtylyp júr, jobanyń ózimen kópten beri eshkim aınalyspaıdy. Biraq telekommýnıkatsııalyq jeliler máselesin sheship, durys uıymdastyrǵan jaǵdaıda qalany túgeldeı ınternetpen qamtamasyz etý múmkin bolady, al jobanyń ózi bıznes sýbektileriniń esebinen tıimdi bolmaq. Jaqyn arada qoǵamdyq ınternet jobasy qaıta qaralmaq.
