Astanada qalalyq týrızmdi damytý boıynsha halyqaralyq sammıt ótedi
ASTANA. QazAqparat - 2019 jyly Astanada qala týrızmin damytýǵa arnalǵan halyqaralyq sammıt ótedi. Bul týraly Búkilálemdik týrıstik uıymnyń (ıÝNVTO) Seýlde ótip jatqan 7-i dúnıejúzilik qalalyq týrızmdi damytý forýmynda málim etildi, dep habarlaıdy QazAqparat tilshis Astana Konvenshn bıýrosynyń Feısbýktegi paraqshasyna silteme jasaı otyryp.
«Búgin Búkilálemdik týrıstik uıymnyń (ıÝNVTO) Seýldegi 7-i dúnıejúzilik qalalyq týrızmdi damytý forýmynda, kelesi basqosý Astanada ótetindigi resmı túrde jarııalandy. Bul jıynǵa Astanadan qala ákiminiń orynbasary E.Amanshaev bastaǵan delegatsııa belsene qatysýda» - delingen habarlamada.
Forým jumysyna Grekııa jáne Mońǵolııa elderiniń týrızm mınıstrleri, Taıland pen Malaızııanyń týrızm jónindegi vıtse-mınıstrleri, Seýl, Kýala-Lýmpýr, Parıj jáne Nıtstsa qalalarynyń vıtse-merleri,sondaı-aq akademııalyq toptardyń jáne Google, MasterCard, Amadeus kompanııalarynyń ókilderi qatysýda.
Shara barysynda BUU qabyldaǵan HABITAT III New Urban Agenda atty strategııanyń aıasynda qalalyq týrızmdi damytýdaǵy kókeıkesti suraqtar qaraldy. Sonymen qatar qalalyq týrızmdi damytýdaǵy ınnovatsııalyq jańa trendter men tsıfrlyq tehnologııalar múmkindigi jáne týrızm salasyndaǵy bıznestiń jańa modelderin transformatsııalaý máselesi talqylandy.
Sarapshylardyń pikirinshe, 2050 jylǵa qaraı dúnıejúzi halqynyń 70% -y qala turǵyndary bolmaq. Al týrızm óz kezeginde dúnıejúzilik JІÓ-niń 10%-dan astamyn qurap, qazirgi zamanǵy jahandyq problemalardy sheshý men qalalardyń ekonomıkalyq damýynyń negizgi draıverine aınalady. Sol sııaqty qalalardyń turaqty damýyna jaǵdaı jasaıdy.
«Sammıttiń basty qorytyndysy ıÝNVTO hatshylar alqasynyń 2019 jyly Astanada kezekti sammıtti ótkizý týraly sheshimi boldy», -delingen habarlamada.
Forým barysynda Astana qalasynyń delegatsııasy ıÝNVTO-nyń bas hatshysy Z.Pololıkashvılımen jáne ıÝNVTO-nyń atqarýshy organdarynyń múshelerimen kelissózder júrgizdi. Onda týrızmdi damytýda ózara árekettesýdiń keleshegi men kezekti jahandyq sammıtti Astanada ótkizý boıynsha birlesken josparlar talqylandy.
Aıta keteıik, Astana Konvenshn Bıýrosy - Astana qalasynyń týrıstik sektoryn josparlaý, damytý jáne kórkeıtý boıynsha negizgi uıym.
