Astanada qalalyq taksoparkke elektromobılder satyp alý josparlanýda
ASTANA. QazAqparat - «Astana City Taxi» jobasyna elektr avtomobılderdi qoldaný josparlanýda.
Bul týraly «QazAqparat» halyqaralyq aqparat agenttigine bergen resmı saýalynda «Astana LRT» AQ málim etti.
Kompanııanyń habarlaýynsha, aǵymdaǵy jyly qalanyń taksı tapshylyǵyna taldaý jasaldy. Ol boıynsha qalaǵa qosymsha 1500 taksı qajet.
«Astana City Taxi» jobasy jolaýshylar tasymaldaý qaýipsizdigin qamtamasyz etýge, quqyq buzýshylyqtardy azaıtýǵa, qyzmet sapasyn jáne deńgeıin jaqsartýǵa, elordanyń abyroıyn joǵarylatýǵa, qoljetimdilikti qamtamasyz etýge, taksı salasynda qosymsha qyzmet kórsetýdi damytýǵa septigin tıgizedi.
«Sondaı-aq jobany iske asyrý barysynda qalada elektr avtomobılderin qoldaný máselesi alǵashqy ret pysyqtalyp jatqandyǵyn atap ótý qajet. Qazirgi ýaqytta tarıftik saıasat esebi boıynsha jumys júrgizilýde, taksı qyzmetine, júrgizýshilerdi mamandandyrylǵan oqytý baǵdarlamasyna qoıylatyn keshendi talaptar ázirlenýde», - delingen habarlamada.
