Astanada «Qalalyq Delfıı oıyndary» bastalady
ASTANA. 13 maýsym. QazAqparat - Mine, 9 jyl qatarynan elordada «Qalalyq Delfıı oıyndary» ótkizilip keledi. Baıqaýda bas qalanyń jas talanttaryna respýblıkalyq jáne halyqaralyq Delfıı oıyndaryna joldama alý múmkindigi týady. Bıylǵy jyly «Qalalyq Delfıı oıyndary» Astananyń 15 jyldyq mereıtoıyna oraılastyrylyp otyr.
Oıyn erteń, 14 maýsymda «Jastar» saraıynda bastalady. Baıqaýdy Astana qalasynyń Jastar saıasaty máseleleri jónindegi basqarmasynyń qoldaýymen «Elorda-2030» qoǵamdyq qory uıymdastyryp otyr.
«Іs-shara saǵat 10.00-de ashylyp, kúni boıy júretin bolady. Qatysýshylar eki topqa bólinip, biri Mektep oqýshylar saraıynda, ekinshileri sol jerdegi kontsert zalynda básekelesetin bolady. Keshtiń sońy «Jastar» saraıynda 18.00-de gala-kontsertke jalǵasady», dep habarlaıdy astana.kz saıtyna basqarmadan.
Qazaqstanda Delfıılik qozǵalys 2002 jyly bastalyp, búgingi kúni ol «Іriktelgen aımaqtyq Delfıı oıyndaryn ótkizý týraly» QR bilimdi damytýdyń memlekettik baǵdarlamasyn júzege asyrý jónindegi 2011-2015 jyldyń is-sharalar josparyna endi.
Іs-sharanyń maqsaty ulttyq qurama júldegerlerin daıyndap, komandalyq jarystardyń deńgeıin kóterý, TMD-ǵa múshe memleketterdiń jastar Delfıı oıyndarynda Orta Azııa memleketteri jastary arasynda Qazaqstannyń kóshbasshylyq ustanymyn jaqsartý bolyp tabylady.
Bıylǵy jyly qalalyq oıyndarda óz shyǵarmashylyǵyn 100 qatysýshy kórsetetin bolady. Olar - S. Seıfýllın atyndaǵy Qazaq agrotehnıkalyq ýnıversıteti, Astananyń gýmanıtarlyq jáne polıttehnıkalyq kolledj stýdentteri, qalanyń №65, №64, №53, №15 orta mektepteri, №1 lıtseı oqýshylary, Qaz UÓÝ ýnıversıteti men kolledji stýdentteri.
Oıyndar eki jas ereksheliginde: kishi top - 10-15 jas, eresek top - 16-21 jas aralyǵynda ótedi.
Jeńimpazdar 12 atalym boıynsha anyqtalady. Olar: «fortepıano», «skrıpka», «baıan, akkordeon», «dombyra», «qobyz», «dástúrli ánshilik», «estrada áni», «akademııalyq án», «ulttyq bı», «qazirgi zamanǵy bı», «beıneleý óneri» jáne «fotografııa» atalymdary. «Akademııalyq án» atalymyna qatysýshylar eki bólek jas ereksheligi boıynsha: kishi (16-20) jáne eresek (20-21) jas aralyǵynda ótedi.
Delfıı oıyndary - klassıkadan bastap qazirgi janrdaǵy barlyq óner túrlerin biriktiretin jarys túriniń biri. Bul álemniń túrli mádenıeti men talantty adamdarynyń basyn qosyp, ózderin-ózderi damytýǵa, shıryqtyrýǵa múmkindik beretin eń bedeldi is-shara bolyp sanalady.
