Astanada qalalyq damý akseleratory quryldy

ASTANA. QazAqparat - Memlekettik organdardyń halyqpen tyǵyz baılanysyn qamtamasyz etý úshin Astanada jańa akselerator quryldy, dep habarlaıdy QazAqparat tilshisi.

«iKomek anyqtaǵan qalanyń júıeli máselelerine súıene otyryp, Astana ákimdigi qalalyq damý akseleratoryn qurdy. Ázirge akselerator qudyqtar, qoǵamdyq kólik, jasyl kóshtterdi kútý, baspana berý, úısiz janýarlar syndy qalada jıi týyndaıtyn 19 máseleni qarastyrady», - dedi Baqyt Sultanov MQІSJQІA alqasynyń keńeıtilgen otyrysynda.

Ákimdiktiń iKomek biryńǵaı baılanys ortalyǵy arqyly halyqqa keńes berý sany 4 esege artyp, 268,3 myńnan 824,4 myńǵa deıin jetken.

Astana ákiminiń aıtýynsha, qalalyq akseleratordyń ereksheligi - barlyq múddeli tulǵalar (memorgandar, qoǵamdyq birlestikter, belsendi turǵyndar, ǵalymdar, kásipkerler) tartylady jáne másele 100 kún ishinde sheshiledi.

«Sonymen birge, qazirgi ýaqytta qalalyq qyzmet kórsetý ortalyǵyn ashý máselesi meniń jeke baqylaýymda tur. Bul ortalyq ta turǵyndardyń aqparat alýy men sáýlet, qurylys, jer ýchaskelerin alý salasyndaǵy memlekettik qyzmetterdi tutynýyn jeńildetedi», - dedi Baqyt Sultanov.