Astanada «Qalalar aıqasy» halyqaralyq ázil-syqaq festıvali ótedi
ASTANA. QazAqparat - Astana kúni merekesi aıasynda qalada alǵash ret «Qalalar aıqasy» ázil-syqaq festıvali ótedi. Festıval Beıbitshilik jáne kelisim saraıynda 7 shilde kúni saǵat 19:00-de bastalady.
Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlaıdy.
Tek osy kúni Astana sheksiz shat kúlkiniń shańyraǵyna aınalady. Qyran-topan kúlkige batyratyn jekpe-jek barysynda Reseı men Qazaqstannyń tanymal televızııalyq jobalary kórsetiledi.
Festıval baǵdarlamasyna ázil-syqaq baǵdarlamalarynyń kóshbasynda turǵan «Mássaǵan» jobasy, «Lıtsa stolıtsy», «KZlandııa» sketch shoýy engizilgen. Sonymen birge «Nasha Rusia», «Comedy Club» telejobalarynyń avtory «Comedy Club» aıtýly múshesi - «Semen Slepakov», KTK oıyndary atynan «Narty ız Abhazıı» dýmandy toby qatysady.
«Qalalar aıqasy» jobasynyń júrgizýshileri - KTK ;oǵary lıgasynyń chempıony Endrıý Ndjogý (Máskeý) jáne Dáýit Shaıhıslamov.
Jańa formattaǵy balamasy joq ázil-syqaq jekpe-jegi alǵash ret uıymdastyrylmaq. Sharada ár joba astarly kúlki syılaıtyn óz ónerlerin ortaǵa salmaq. Al olardy tanymal tulǵalardan turatyn qazylar alqasy baǵalaıtyn bolady. Shara qorytyndysy boıynsha «Qalalar aıqasy» halyqaralyq jekpe-jeginiń jeńimpazy anyqtalyp, úzdikterge estelik syılyqtar tabystalady.
