Astanada qala turǵyndary men qonaqtary úshin tegin ekskýrsııa uıymdastyrylady
ASTANA. QazAqparat - 21-25 naýryz aralyǵynda elorda turǵyndary men qonaqtary jaǵalaýǵa tegin ekskýrsııa jasaı alady, dep habarlaıdy Astana qalasy ákimdiginiń resmı saıty.
«Rýhanı Jańǵyrý» baǵdarlamasynyń aıasynda jáne Astana qalasynyń 20 jyldyǵy men Naýryz merekesine oraı, 21, 22, 23, 24 jáne 25 naýryz kúnderi Astana turǵyndary men qonaqtary «Red Bus» avtobýstarymen Astananyń sol jaǵalaýymen tegin ekskýrsııaǵa qatysý múmkindigine ıe bolady.
Ekskýrsııa «AiLand» (okeanarıým) kóńil-kóterý ortalyǵynan jáne «MEGA Silkway» saýda oıyn-saýyq ortalyǵynan bastalady.
Ekskýrsııa avtobýs ishindegi dybys kúsheıtkishter arqyly qazaq jáne orys tilderindegi aýdıogıdter kómegimen júzege asyrylady (bir reıs - qazaq tilinde, ekinshi reıs - orys tilinde, aýysý arqyly).
Ekskýrsııany belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeıdi.
Barlyq suraqtar boıynsha call-ortalyqqa habarlasýǵa bolady: +7 777 555 75 75, 77-90-99, Instagram: @redbus.kz.
«AiLand» aıaldamasynan qozǵalý ýaqyty:
- saǵ. 10.00 (qazaq tilinde);
- saǵ. 12.05 (orys tilinde);
- saǵ. 14.30 (qazaq tilinde);
- saǵ. 16.35 (orys tilinde);
- saǵ. 18.40 (qazaq tilinde).
Ary qaraı kelesi aıaldamalar arqyly júredi: «Han Shatyr» SOSO, «Máńgilik El» saltanat qaqpasy, «MEGA SilkWay» SOSO, Ulttyq Mýzeı jáne «Astana Báıterek» monýmenti.
«MEGA Silkway» aıaldamasynan qozǵalý ýaqyty:
- saǵ. 10.00 (qazaq tilinde);
- saǵ. 12.05 (orys tilinde);
- saǵ. 14.10 (qazaq tilinde);
- saǵ. 16.40 (orys tilinde);
- saǵ. 18.45 (qazaq tilinde).
Ary qaraı kelesi aıaldamalar arqyly ótedi: Ulttyq Mýzeı, «Astana Báıterek» monýmenti, «AiLand» (okeanarıým) kóńil kóterý ortalyǵy, «Han Shatyr» SOSO jáne «Máńgilik El» saltanat qaqpasy.
