Astanada qala mańyna qatynaıtyn jańa avtobýs baǵdary iske qosyldy
ASTANA. QazAqparat - Astana mańyndaǵy Malotımofeevka aýylyna jańa avtobýs baǵdary iske qosyldy, dep habarlaıdy Astana LRT.
«Malotımofeevka aýylynyń turǵyndary úshin! Malotımofeevka aýylyn kólikpen qamtamasyz etý maqsatynda, 2018 jyldyń 15 qazanynan bastap № 318 jańa qala mańyna qatynaıtyn baǵdar iske qosylady» delingen habarlamada.
Málimetke saı, avtobýs «Aqmola oblystyq aýrýhanasy» aıaldamasynan qozǵalady. Manas kóshesimen júrip, Abylaı han dańǵylyna túsedi, osy kóshemen týra júrip otyryp Qaraǵandy tasjolyna shyǵady, odan ári aınalma tasjolǵa shyǵyp, Malotımofeevka aýylyna deıin barady.
Qaıtarda dál osy jolmen qalaǵa keledi.
