Astanada qala mańyna qatynaıtyn avtobýstar qozǵalysy jandandy
ASTANA. QazAqparat - Elordadaǵy qala mańy avtobýstarynyń qozǵalysyna qoıylǵan shekteý alyndy. Bul jaıynda «Astana LRT» JShS-niń baspasóz hatshysy Naýat Azanbaeva Feısbýktegi paraqshasynda jazdy, dep habarlaıdy QazAqparat.
Aıta keterligi, keshe ol aýa raıynyń qolaısyzdyǵyna baılanysty Astanadan barlyq baǵyttaǵy joldarda kólik quraldarynyń barlyq túriniń qozǵalysyna shekteý qoıylǵanyn jazǵan bolatyn.
Sonymen qatar ol Astana mańyndaǵy Aqmol, Taıtóbe, Qabanbaı batyr, Qoshqarbaı aýyly, Arshaly, Jaltyrkól, Maksımovka, Vozdvıjenka eldi mekenderine qatynaıtyn 300, 302, 308, 309, 311, 315, 316 baǵytyndaǵy qala mańy avtobýstarynyń qozǵalysyna shekteý engizilgen.
