Astanada qala mańyna qatynaıtyn 9 avtobýs ýaqytsha júrmeıdi
NUR-SULTAN. QazAqparat - Nur-Sultanda qala mańyna qatynaıtyn taǵy birneshe avtobýs baǵdary júrmeı qaldy, dep habarlaıdy QazAqparat.
Bul jaıynda búgin tańerteń «City Transportation Systems» JShS áleýmettik jelide málimet taratty.
Aýa raıynyń nasharlaýyna jáne trassanyń jabyq bolýyna baılanysty qala mańyna qatynaıtyn № 305, 306, 310, 311, 312, 315, 316, 318, 326 baǵdarlarynyń qozǵalysy ýaqytsha toqtatylǵan.
Sonymen qatar, №302, 303, 320 baǵdarlar «Lesnaıa polıana» turǵyn úı aımaǵyna kirmeıdi.
Qala mańyna qatynaıtyn basqa baǵdarlar lınııada júr.
Eske sala keteıik, buǵan deıin burqasyn men kóktaıǵaqqa baılanysty Şýchınsk pen Temirtaý baǵytyna shyǵatyn joldardaǵy kólik qozǵalysy toqtaǵanyn jazǵan bolatynbyz.
