Astanada qala mańy avtobýstarynyń qozǵalysy toqtatyldy
ASTANA. QazAqparat - «Astana LRT» qala mańyna qatynaıtyn qoǵamdyq kólikterdiń toqtatylǵanyn málim etti, dep habarlaıdy «QazAqparat» HAA tilshisi.
«Qurmetti qoǵamdyq kólikti paıdalanýshylar! Aýa raıynyń qolaısyzdyǵy men tas joldardyń jabylýyna baılanysty qala mańy baǵyty boıynsha qatynaıtyn № 300, № 301, № 302, № 305, № 306, № 307, № 308, № 309, № 310, № 311, № 312, № 315 jáne № 316 baǵdarlarynyń júrisi ýaqytsha toqtatyldy», - dep habarlady uıymnyń baspasóz qyzmeti Facebook-tegi resmı paraqshasynda.
«Astana LRT» osy baǵyttardaǵy qozǵalystyń qashan qalpyna keletinin qosymsha habarlaýǵa ýáde etti.
Budan buryn habarlanǵandaı, Aqmola oblysynda barlyq baǵyttaǵy tasjoldar jabyldy.
